L’ANGOLO DELLA POESIA di Giovanni Moschella- TRE ZETELLE

 

TRE ZETELLE

ANTONIO RUGGIERO

So’ tre ssore, tre zetelle
ca se vonno ‘mmaretà
cu Totonno detto–”’O bbello”,
fann’’e ppazze p’’o ‘ncastrà.

Rusinella ch’è ‘a cchiù vvecchia,
secca secca e moscia moscia,
se scummoglia ‘e ddoje pellecchie…
“ Vì’ che ccosce stanno ccà!”

Carulina chiatta chiatta
se palléa comme ‘na vacca,
chillu pietto comm’’o sbatte…
“ Tengo latte ‘nquantità!”

Filumena, eh che bellezza!
Tutta storta e cchin’’e pile,
cu ‘na mana alliscia ‘a trezza…
“ Nè Totò m’’a vuò’ alliscià?”

Ma Totonno nun nce sente,
se sta zitto, passa e vva,
se ripete sulamente…
“ Vì’ che guaio c’haggia passà”.

 
Print Friendly, PDF & Email

Lascia un commento

Il tuo indirizzo email non sarà pubblicato.