L’ANGOLO DELLA POESIA di Giovanni Moschella – NUN ‘E CREDERE ‘E PUETE

NUN ‘E CREDERE ‘E PUETE

di Tina Piccolo

Nun ‘e credere ‘e puete
quanno scriveno parole
ca te fanno emozionà….
Nun sò angele cu ‘e scelle,
nun sò sante ‘Nparaviso,
tanti vvote,cride a mme,
‘a parola è na maschera
pò pensiero scustumato,
pe na smania d’arrivà,
pe na voglia ‘e scamazzà…
Nun sò tutte tale e quale,
‘nce sta ‘o bbuono,’o malamente,
‘nce stà chillo ca ‘nce crere
e tene ammore dint”e vvene,
s’affatica,perde ‘o sciato
e fà overamente ‘o bbene…
Nun e crerere ‘e puete,
songo uommene sultanto,
cu difiette e cose bbone,
pirciò liegge ‘e vierse sulamente,
si sò belle e sò carnale,
mittancelle tu ‘e scelle
e pò falle vulà……..
Si t’adduorme cu nu libbro
‘ncopp”o core,
si tu ca ‘nce mitte
‘o vero ammore……
che te ‘mporta ‘e chisto, ‘e chillo,
si ‘a poesia sonna cu tte……..

Print Friendly, PDF & Email

Lascia un commento

Il tuo indirizzo email non sarà pubblicato.